Аспекты візуальнага ў вершаваных казках В. Віткі

Abstract

У артыкуле выпрацаваны метадалагічны інструментарый для даследавання праблемы візуальнага ў вершаваных казках В. Віткі. У якасці цэнтральных прыёмаў аналiзу праблемы візуальнага выкарыстаны зрокава акцэнтаваныя прыёмы погляду на самога сябе, погляду іншага, панарамнага агляду і графічныя вобразы. Дамінантным вобразам мастацкай геаметрыі ў вершаваных казках “Вавёрчына гора”, “Буслінае лета”, “Казка пра цара Зубра” з’яўляецца вобраз кола. З аднаго боку, гэта вобраз прадметнага свету пісьменніка (драўлянае кола – аснова для дамоўкі буслоў), з другога – сімвалічна-мысленны вобраз-знак выражэння цэнтральнай канцэпцыі твора (яднання сям’і ў казцы “Вавёрчына гора”, самапазнання ў казках “Буслінае лета” і “Казка пра цара Зубра”). Візуальны свет твораў В. Віткі зменліва рухомы, у ім суіснуюць аўтарскія бачанні і ўяўленні чытачоў. Ключавыя словы: В. Вітка; візуальнасць; мастак; беларуская дзіцячая літаратура; вершаваная казка; вобраз кола; зрокава-візуальны.